The Gospel of St. Mark in Awabakal, 1837

Transcript: Chapter 16

1  2  3  4  5  6  7  8  9  10  11  12  13  14  15  16  17  18  19  20 

 

Click here to view actual manuscript pages at the State Library of NSW


    
Mark Winta 16.

1. Ngatun yakita yukita Sabbat waita ka ba, spice kekul ka buloaró ngupaiyeen Mari Magdalene kalleen to, ngatun [crossed out] Mari James-úmba ngatun Sabine-úmba, uwauwil koa bara putilli ko bón.

2. Ngatun ngorokán ta kakulla, kurri kurri ka ta purreung ka ta week koba, uwá bara unta tulman ta ko ___________

3. Ngatun wiyelleen bara bara bo bara bo, Ngan [wal] ke wal unnoa tunúng kurrai umulla ngearun ko untoa birung polóngkulli ngél la birung tulmun koba ta birung?

4. (Ngatun nakulla bara ba nakuleen ngaiya bara tunúng ta kurraikurrai umá untoa birung:) kauwul lang ta unnoa.

5. Ngatun polóngkulliella bara murraring kolang, nakulla bara bón wakól ta wúngngerrapin* yellawolliella túngkakeri ká/or ngél la/ kirrikin-kan kirra wi ta purrul ta; ngatun kinta ka kulla bara.

6. Ngatun noa barun wiyá kinta bán kora [crossed out] tiwollán nura Jesu nung Nazareth kal, tetti wirea toara tullang kobilli kan ne to: boungkulla ta noa; keawai wal noa unti: nauwa unti ngórra wúnkulla ta bara bón.

7. Wonta nura ba waita uwolla, wiyella barun wirrobulli kan ngikoumba ngatun bón Peter nung, waita uwolliella noa muriung kolang Galilee kolang nurun: nanun wal bón nura unta, yanti noa ba wiya nurun.

8. Ngatun kurrikurri bara waita uwá, ngatun tulbulleen tulmun ta birung; kulla wal bara púllúlpúllúl lang ngatun bara kinta kán: keawai bara wiyá tarai tung; kulla wal bara kinta lang

9. Yakita ngaiya ngorokan ta boungkulleen ta noa ba, Purreung ta kurrikurri ka week ko ba ka ta, paibeá bonén noa bounoun Mari Magdalene kulleen bounnoun ka birung paibungnga ta noa barun Devil seven ta.

10. Ngatun waita uwá bountoa, ngatun tin wiyá barun kakilla ta bara ngikoung ka toa, minki kakilliella bara ba ngatun túngkalliella ba.

11. Ngatun [crossed out] ngurrungkulla bara ba morón kan noa [kaki] ngatun nakulla ta bón bountoa, ngurra mai nga bara.

12. Yukita ngaiya noa paibea yanti tarai kan kiloa bulan barun ba/or kin birung/ woliwoliella buloara ba, ngatun uwá korung kolang ba.

13. Ngatun uwá bara ngatun wiyá barun yantin ta: keawai wal bara ngurra pa/or ngurrulli ko/ barun.

14. Yukita noa paibea barun Eleven ta, yellawolliella bara ba takilli ko, ngatun yipá barun ngali tin ngurrurmai ngalli tin barun tin, ngatun pirriral búlbúl lin barun tin, kulli wal bara ngurramai nga barun nakillikan ta bón yukita noa boungkulleen ta.

15. Ngatun noa wiyá barun, yuring waita kolang yantin kolang purrai kolang, ngatun maróng koiyella unni Evanyelia ta, yantin barun tarai kan tarai kan.

16. Niuwoa ngurrulli kan, ngatun kurrimallikan toara, morón [wal] bungngunnun wal bón: wonto ba noa ngurramaingulli kan tetti wal noa.

17. Ngatun unni tara túngngunbilli kanne paibinnun wal barun katoa ngurrulli kan toa; yitirrin emmoumba tin pai bungngnnun wal bara barun Devil warai ta ko; wiyennun wal bara [pulli to] bungai kul lo;

18. Mánnun wal bara unnung tara maiyá; ngatun pittun nun bara ba tarai tetti bungnatoara keawai wal tetti wirrinnun barun: wúnnun bara mutturró barun Munni kan, ngatun murrón kunnun ngaiya bara.

19. Yakita ngaiya wiyá ta Pirriwul lo baran, mankulla bón wokka kolang murraring ka ko Moroko ka ko, ngatun yellawa noa túngkakirrika Eloi úmba ka.

20. Ngatun waita bara uwá, ngatun wiyellitélliella wonta bo wonta bo, umulliella [crossed out] Pirriwul-lo barun katoa, ngatun umilliella unta/Wiyellikan ne or/wiyelli ta túnginga kakilli ko unta birung.

Amen 23.6.7.

 

Notes
1. *
2. At the rising of the sun.
3. 24/2 yarka *
15. *
16. or tulkun ko
18. recover
19. Preaching