The Gospel of St. Mark in Awabakal, 1837    

Transcript: Chapter 10

1 

2 

3 

4 

5 

6 

7 

8 

9 

10 

11 

12 

13 

14 

15 

16 

17 

18 

19 

20 

21 

22 

23 

24 

25 

26 

27 

28 

29 

30 

31

32 

33 

34 

35 

36 

37 

38 

39 

40 

41 

42 

43 

44 

45 

46 

47 

48 

49 

50

51 

52 

 

 

 

 

                                   

 

Click here to view actual manuscript pages at the State Library of NSW  
    

Mark. Winta 10.

1. Ngatun Boungkéa noa unta birung, ngatun uwá purrai toa Judea kal loa, murriung ko kaiyín koa Jordan toa, ngatun tara kore [ta] kaümea kan ngikoung kin ko; ngatun noa nuyá barun/or nu yea kan barun/ yanti ba noa ba.

2. Ngatun tanán uwá bón bara Pharisee, ngatun wiyá ngikoung wiyà tuloa ta [wúnk] wónkulli ko [kore ko] bounnoun porikunbai poribai to? nupulliella bón.

3. Ngatun noa wiyá niakai bárun, Minnaring noa Mos[s]e ko wiyálla nurun?

4. Ngatun bára wiyá [wonnun] upabun béa noa Mose ko ngearun pepa wonkulliko, ngatun wónkulli ko bounnoun.

5. Ngatun Jesu ko noa wiyá, ngatun wiyelliella barun, Pirral lin Búlbúl lin nurien ba tin ngala tin upá noa unni ta wiyelli ta:

6. Wonto ba kurrikurri ta birung umulli ta birung [Eloi úmba ta birung] umá noa Eloi ta bulun kore ngatun nukung.

7. Ngatun tin kore ko wónnun wal bulun, Biyang bai ngatun Tunkang, ngatun kokillinnun wal noa porikunbai ngikoumba;

8. Ngatun ngatoa bula buloara kunnun wál putta wakól kakilliko yanti ba ta keawai bula buloara kunnun wonto ba wakól bo ta putta kuttán.

9. Unnoa ta tan tun béa Eloi to yanoa [tarai to ko * ko] tillur bung ngai yikora koreko.

10. Ngatun kokera ka ba bara wirrobulli kan to wiyea kán bón ngalá tin.

11. Ngatun noa wiyá bárun Ngakto ba wónnun porikan bai ngikoumba, ngatun kakillinnun wal tarai kán ta, warekilleen noa tarai kan to bounnoun.

12. Ngatun wónnun ba bountoa porikunbai to poribai bounnoun ba, ngatun kakillinnun [wal] ngaiya wal tarai kán ta warikilleen bountoa.

13. Ngatun bára mánkulla barun wonnai tara ngikoung kin numauwil koa noa barun ngatun wirrobulli kán to koaká barun ngata mankulla/or mankilla ko./

14. Wonto ba Jesu ko noa ba nakulla unnoa ta, niuwarán noa kauwul lan, ngatun wiyá ngaiya noa bárun, tanán uwá bunbilla wonnai tara emmoung kin ngatun yari bán kora; kulla wal yan tára kul piriwul koba Eloi koba?

15. Kauwá wiyán bang nurun, ngánto ba manki korien unta piriwul ko ba Eloi koba yanti ba wonnai takiloa keawai wal noa polóngkullinnun tantoa [ta].

16. Ngatun noa bárun [puromá m'ankulla wokka] puromá watto ka ko ngikoumba ka ko numá barun muttturró ngikoumba ko, ngatun murroróng wiyá bárun.

17. Ngatun waita uwá noa ba yapung koa, tanán ngaiya wakól kan [ta] murrulliella, ngatun pimbung ko pirroke kakilliella ngikoung kai, ngatun wiyelliella bón, Alla piriwul murróng, minnung bullinnun báng kauwil koa bang morón kakilliko yanti kuttai?

18. Ngatun Jesu ko noa bón wiyá, Minnaring tin bi wiyán tia murróng yitirra báng? Keawai wál tarai kán murróng kán wonto ba wakól kán bo ta ngala Eloi ta,

19. Ngintoa ngúrrán unnoa tara wiyatóarata[rai], yanòa wari kai ka kora, yanoa tetti bungngai yikora, yanoa manki yi kora, yanoa nakoiya yi kora, yanoa yarakai unnai yi kora, murroróng umulla bulun Biyungbai ngatun Tunkan ngiroumba

20. Ngatun noa wiyá, wiyelliella bón, Alla, Piriwul ngurrán báng yantí unni tara wonnai ka ta birung emmoumba ta birung.

21. Nakilliella ngaiya Jesu ko bon pittulmá bón, ngatun wiyá [barun] bón, wakól bo ta minnung korien ngiroumba: yuring bi waita kolang, ngupaiyella bi minnung bo minnung bo ngiroumba ngatun nguwa mirrulkan ko, ngatun wal tullokang kunnun ngiroumbá moroko ka: ngatun kai tanán, mará bi unta talingkabillikanne, ngatun wirrobulla bi tia.

22. Ngatun noa minki kakulla ngala tin wiyelli tin, ngatun waita kolang uwá niuwarán; kulla kauwulkeauwul lan tára ngikoumba.

23. Ngatun Jesu ko noa nakilliella knurraikurrai, ngatun wiyelliella barun wirrobulli kan ngikoumba/pirál lang ta núrun polóngkulliko baran/or pirá kuttán ta [ báran] bára Tullokang [crossed out] polóng kulli ko piriwul koba ka ko Eloi koba ka ko!

24. Ngatun bára wirrobulli kán kóttelliella wiyelli tin ngikoumba tin. Wonto ba noa Jesu ko wiyayéa ngatun wiyelliella bárun, waù wonnai kauwá pirál ta bára tullokán polóngkulli ko piriwul koba ka ko Eloi koba ka ko!

25. Murróng ta Camel lo polóng kulli ko unta polóngkulli ngél la ko Needle la ko, keáwai tullo-kan polóngkilli ko piriwul koba ka ko Eloi koba ka ko.

26. Ngatun bára kóttelliella kauwul lan, wiyelliella bara bo bara bo, Ngán wál morón bung ngulli ko?

27. Ngatun noa Jesu ko nakilliella barun wiyelliella, kaiyu korien ta kore ko, wonto ba Eloi to: kulla wal kaiyu kan to Eloi to noa umulli ko yantín minnungbo minnungbo.

28. Yakita ngaiya noa Peterro wiyilliella bón, Alla, wúnkulla ngeen yantín ta, ngatun wirrobá ngeen bín.

29. Ngatun noa Jesu ko wiyá ngatun wiyelliella, Keawá tuloa ta bang wiyán wiyellelliella Kauwá tuloa ta bang wiyán nurun, Keawai wal tarai to kore ko, wúnkulla ta noa unta kokere, nga kóttita, nga wúngngunbai, nga Tunkán, nga wonnai, nga purrai, emmoungkin ko, ngatun Evanelion tin:

30. Kulla wal noa mánnun/or Mánnun wál noa hundred ta kunnun unti yakita, kokere ngatun kótti ta, ngatun wúngngun bai, ngatun tunkan, ngtun wonnai, ngatun purrai, ngatun yarakai umulli ta kauwulkauwul ta; ngatun untoa ta tarai ka ko purrai ta ko paibilli ko morón ta kakillinnun yanti ka tai.

31. Wonto ba bara kauwulkauwul [la kan ta bára] ngán ka kuttan, ka bo wal bára willung kunnun; ngatun willung kan ta kunnun wal ngánka.

32. Ngatun bara yapung koa uwolliella Jerusalem kolang; ngatun uwa noa Jesu ko mureung barun kin: ngatun kóttá [crossed out] bara; [kakulla; ngatun kinta lang bara kakulla] ngatun wirrobulliella bára ba kinta lang bara kuttán. Ngatun mánkea kan noa barun twelve ta, ngatun wiyá ngaiya bárun minnung bunnun wal bón.

33. Ngiakai Kanwá, waita kolang ngeen Jerusalem kolang, ngatun bón yinál kore koba ngunnun wal bárun kin ko Piriwul Jerea kin ko, ngatun barun kin ko Grammaten kin ko, ngatun bara bón wiyalinnun tetti bungnguliko ngatun wúnnun wal bón barun kin ko Etene kin ko:

34. Ngatun bara bón beelmunnun, ngatun wélkorinnun bón, ngatun karangko buinun, ngatun tetti bungngunnun bón: ngatun [crossed out] kúmba keen ta boungkea kunnun ngaiya noa.

35. Ngatun uwá bara bón James ngatun John [ngatun] yinal ta Zebedee [koba] úmba, wiyelliella, Pirriwul minnung bauwil be ngatun bón minnung bunnun bali noa wiyennun.

36. Ngatun noa wiyá, minnung bunnun bang bulun?

37. Ngála buloara bón wiya yellawauwil bali noa wakól bo ta túngkángkeri ka ngatun tarai ta wuntokeri [ta] ka killibínbín ka ngiroumba ka ko.

38.[Kul] Wonto ba noa wiyá bulun keawai wal bala ngurra pa minnung bula wiyá, [kaiya] wiya bula kaiya kán pitelli ko wimbi ka ko pittán bang? ngatun kurrimunnun kurrimulli kan ne to kurrimál tia?

39. Ngatun buloara bón wiyá kaiyu kán bale noa. Ngatun noa Jesu ko wiya buloara bulun Kauwa yanti pittunnun wal bul wimbi ka pittan bang unta kal; ngatun kurrimunnun wal bulun kurrimulli kan né to kurriman tia:

40. Wonto ba yellawolli ko túngkangkeri ka ngatun wuntokeri ka emmoumba ka ko keawai wal emmoumba ngakilli ko; wonto ba barun ngóra upá.

41. Ngatun bara tin to ngurrunnun ba niuwa * ngaiya bara kakulla bulun kin or kai James kai ngatun John kai.

42. Wonto ba Jesu ko barun kaibulla wiya ngatun wiyaliella barun, Ngurrán nura bara bo wiyelli kán Etene ko pirriwul kuttán barun ko; ngatun bara kauwul kán to wiyán barun

43. Yanoa yanti bang kora/ban kora/nura: kulla tarai kan kauwil koa noa kauwul ka killi ko pulli kan wal kunnun noa nurun ba;

44. Ngatun tarai kan nurun ba kauwil koa noa pirriwul ka killi ko. Upulli kan wal noa kunnun yantin koba.

45. Kauwa yanti niuwoa* yinal kore koba keawaí wal noa tanán uwá upulli ko bón. Wonto ba noa upulli ko, natun ngukilli ko noa morón nikoumba ngupaiyiko kauwulkauwul kan ko.

46. Ngatun bara tanán uwá Jericho ka: natun uwolliella noa ba Jericho ka birung barun katoa wirrobullikan nikoumba; natun barun katoa kore kauwulkauwul loa yellawolliella noa mammén kan Bartimeus, yinal noa Timeus úmba, yapun ka bitta ka poiyelliella.

47. Natun nurrá noa ba unnoa ngali Jesu noa Nazareth kul kai[bull] bea noa, natun wiyelliyella [Jes] Ella Jesu, yinál ta David úmba [ng] nurrurrurmulla bi tia.

48. Natun bara kauwulkauwullo wiya bón kaiyelli koa noa, wonto noa ba butte paiyelleen Ella yinál David úmba nurrurrurmella bi tia.

49. Natun narrokea noa Jesu korun, natun wiyá [bón] kaibulliko bón, Natun kaibea bón bara ngala ko: Munnín* kan kore, wiyelliyella bón, Pittul kauwa bi, bounkullia; kaibullán bilóa.

50. Natun noa, warikulliella wurubil ngikoumba ba, bounkilleen. natun uwá Jesu kai kolan.

51. Natun Jesu ko noa wiya natun wiyelliella bon, Minnun bunnin* bannun? Wiya bon noa munnin kan to. Ella Pirriwul/namunbilli ko tia unulla nakilli ko/or umulla bitia nakilli ko./

52. Natun Jesu ko noa bón wiyá, yurin bi wolla; Ngali tin niroumba tin nurrulli tin murroróng bíamá. Natun tántoa bo ta umá bón nakilli ko, natun wirrobulleen noa bón Jesu nan* yapun koa.

 

Notes
19. *
21. *
22. Grieved
29. * yellen
33. *
34. *
37. *án
40. *
43. *
52. *